لرسون عزیز د رته د یاد
دلسوزی میها بکنش آباد
لرسون عزیز فراموش بیه
چرخ توسعش دیه خاموش بیه
.
دلسوزی میها برسه و داد
استان ایما هم بوعه آباد
سیل کو جوونیا همه بیکارن
د ای بیکاری همه بیزارن
.
.
دست بید ویک استان آباد با
د ای تنگنایا استان آزاد با
حرف امامن فراموش نکید
کلمه وحدت دیه خاموش نکید
.
وکیلا استان بیل وا هم بوعید
نه چی چو باریک آسو خم بوعید
سیل کنید استان که هیچی ناره
د نظر صنعت چه خار زاره
وکیل استان باید شجاع بوعه
سی پیشرفت استان د دفاع بوعه
وکیل مردم پی ثروت نوعه
د حونه ملت پی وحدت بوعه
وکیل مردمه فراموش نکه
پروژه یانه د خاموش نکه
ار پی پیشرفتید خدا یارته
مرتضی علی نگهدارته
.
شعری از : حاج رحمان رحیمی